Kali Ne Jab Kar Diya Chand Mund Ka Nash

Soon Kar Sena Ka Maran Huwa Nishumbh Udaas

Tabhi Krodh Kar Ke Bada Aap Aage

Ikhatte Kiye Daitya Jo Run Se Bhage

Kulon Ki Kulein Asuron Ki Li Bulayi

Diya Hukmm Apna Unhe Tab Sunayi

Chalo Yudh Bhumi Mein Sena Saja Ke

Phiron Devion Ke Nisha Tum Meeta Ke

Adha-Yudh Aur Shumbh The Daitya Yodha

Bhara Unke Dil Mein Bhayankar Krodha

Asur Raktbeej Ko Le Sath Dhaye

Chale Kaal Ke Muh Mein Sena Sajaye

Muni Bole Raja Woh Shumbh Abhimani

Chala Aap Bhi Haath Mein Dhanush Tani

Jo Devi Ne Dekha Nayi Sena Aayi

Dhanush Ki Tabhi Dori Maa Ne Chadhayi

Woh Tangkaar Sun Gunja Aakash Sara

Mahakali Ne Saath Kilkaar Maara

Kiya Sinh Ne Bhi Shabdh Phir Bhayankar

Aaye Devata Brahama Vishnu Ve Shankar

Har Ik Ansh Se Roop Devi Ne Dhara

Vo Nij Naam Se Naam Unka Pukara

Bani Brahma Ne Ansh Devi Brahmani

Chadhi Hans Mala Kamundal Nishani

Chadhi Bail Trishul Haathon Mein Layi

Shiva Shakti Shankar Ki Jag Mein Kehlayi

Woh Amba Bani Swami Kartik Ki Anshi

Chadhi Garud Aai Jo Thi Vishnu Vanshi

Varah Ansh Se Roop Varahi Aayi

Vo Narsingh Se Narsinghi Kehlayi

Aeravat Chadhi Inder Ki Shakti Aayi

Mahadevji Tab Yeh Aagya Sunayi

Sabhi Milke Daityon Ka Sanghar Kar Do

Sabhi Apne Ansho Ka Vistar Kar Do

Itna Kehte Hi Huwa Bhari Shabdh Apaar

Pragati Devi Chandika Roop Bhayanak Dhar

Ghor Shabdh Se Garj Kar Kaha Shankar Se Jaao

Bano Doot Sandesh Yeh Daityon Ko Pahunchaoo

Jivit Rehna Chahte Hain To Ja Basein Patal

Indra Ko Trailok Ka De Vo Rajye Sambhal

Nahi To Aaye Yudh Mein Taj Jivan Ki Aas

Inke Rakt Se Bujhegi Mahakali Ki Pyas

Shiv Ko Dut Banane Se Shivduti Huwa Naam

Ishi Chandi Maha Maya Ne Kiya Ghor Sangram

Daityon Ne Shiv Shambhu Ki Mani Ek Na Baat

Chale Yudh Karne Sabhi Lekar Sena Saath

Aasuri Sena Ne Tabhi Li Sab Shaktiyan Gher

Chale Teer Talvaar Tab Huwi Yudh Ki Chhed

Daityon Par Sab Deviyan Karne Lagi Prahaar

Chhin Bhar Mein Hone Laga Asur Sena Sanghar

Dashon Dishaon Mein Macha Bhayanak Hahakar

Nav Durga Ka Chha Raha Tha Wahan Tej Apar

Soon Kali Ki Garajna Huwe Vyakul Veer

Chandi Ne Trishul Se Diye Kaleje Cheer

Shivduti Ne Kar Liye Bhakshan Kai Sharir

Amba Ki Talwaar Ne Kine Daitya Adheer

Yeh Sangram Dekh Gaya Daitya Kheej

Tabhi Yudh Karne Badha Raktbeej

Gada Jate Hi Mari Balshali Ne

Chalaye Kai Ban Tab Kali Ne

Lage Teer Sine Se Vapas Phire

Raktbeej Ke Rakt Katre Gire

Rudhar Daitya Ka Jab Jammi Par Baha

Huwe Pragat Phir Daitya Bhi Laakhaa

Phir Unke Rakt Katre Jitne Gire

Unhi Se Kai Daitya Paida Huwe

Yeh Badhti Huwi Sena Dekhi Jabhi

Toh Ghabara Gaye Devata Bhi Sabhi

Vikul Ho Gai Jab Sabhi Shaktiyan

Toh Chandi Ne Mahakalka Se Kaha

Karo Apni Jeebha Ka Vistaar Tum

Phailaoo Yeh Muh Apna Ik Bar Tum

Mere Shastron Se Lahu Jo Gire

Woh Dharti Ke Badle Jabhan Par Pade

Lahu Daityon Ka Sub Piye Jao Tum

Yeh Lashon Bhi Bhakshan Kiye Jao Tum

Na Ishka Jo Girne Lahu Payega

Toh Mara Asur Nischay Hi Jayega

Itna Soon Mahakali Ne Kiya Bhayanak Vesh

Garj Se Ghabra Kar Huwa Vyakul Daitya Naresh

Rakhtbeej Ne Tab Kiya Chandi Par Prahaar

Rok Liya Trishul Se Jagdambe Ne Vaar

Tabhi Krodh Mein Chandika Aage Bhadhkar Aayi

Apni Kharagh Se Daitya Ki Gardun Kaat Girayi

Shish Kata To Lahu Gira Chamunda Gai Pee

Raktbeej Ke Rakt Se Sake Ne Nischar Jee

Mahakali Muh Khol Ke Dhai, Daitya Ke Rudhar Se Pyas Bujhai

Dharti Pe Lahu Girne Ne Paya, Khapar Bhar Pee Gayi Maha Maya

Bhayo Nash Tab Raktbeej Ka, Nachi Tab Prasann Ho Kalka

Asur Sena Sab Din Sanghari, Yudh Mein Bhayo Kulahal Bhari

Devta Gan Tab Ati Harshaye, Dhariyo Shish Shakti Pad Aaye

Kar Jode Sab Vinay Sunaye, Maha Maya Ki Stuti Gaye

Chandika Tab Dino Vardana, Sub Devan Ka Kiyo Kalyana

Khushi Se Nritya Kiya Shakti Ne, Var Yeh Chaman Diya Shakti Ne

Jo Yeh Path Padhe Ya Sunaye, Man Wanchit Phal Mujh Se Paye

Ushke Shatru Nash Karoongi, Poori Ushki Aas Karoongi

Maa Sum Putra Ko Mein Paloongi Sabhi Bandare Bhar Daloongi

Tin Kaal Hai Satya Yeh Shakti Ka Vardan

Navdurga Ke Path Se Hai Sub Ka Kalyan

Bhakti Shakti Mukti Ka Hai Yehi Bhandar

Ishi Ke Aasare Chaman Ho Bhavsagar Paar

Navratron Mein Jo Padhe, Devi Ke Mandir Jaye

Kahe Markande Rishi Mann Wanchit Phal Paye

Vardati Vardayini Sab Ki Aas Pujaye

Prem Sahit Maha Maya Ki Jo Bhi Stuti Gaye

Sinh Sawari Maiya Ki Mann Mandir Jab Aaye

Kisi Bhi Sankat Mein Pada Bhakt Nahi Ghabraye

Kisi Jagah Bhi Shudh Ho Padhe Ya Path Sunaye

Chaman Bhawani Ki Kripa Ush Par Hi Ho Jaye

Navdurga Ke Path Ka Aathawan Yeh Adhyaya

Nishdin Padhe Jo Prem Se Shatru Nash Ho Jaye