Aadhi Shakti Ne Jab Kiya, Mahishasur Ka Nash

Sabhi Devta Aa Gaye, Tab Mata Ke Paas

Mukh Prasann Se Mata Ke, Charno Shish Jhukaye

Karne Lage Vo Stuti, Mithe Bain Sunaye

Hum Tere Hi Gun Gate Hain, Charno Mein Shish Jukhate Hain

Tere Jaikar Manate Hain, Jai Jai Ambe Jai Jagdambe

Jai Durga Aadhi Bhawani Ki, Jai Jai Shakti Maharani Ki

Jai Abhaydan Vardani Ki, Jai Aasht Bhuji Kalyani Ki

Tum Maha Tej Shaktishali, Tum Hi Ho Adhbudh Balwali

Tu Run Chandi, Tu Mahakali, Tum Daason Ki Ho Rakhwali

Hum Tere Hi Gun Gate Hain, Jai Jai Ambe Jai Jagdambe

Tum Durga Bankar Taarti Ho, Chandi Ban Dusht Sangharti Ho

Kali Run Mein Lalkarti Ho, Shakti Tum Bigadi Sanwarti Ho

Hum Tere Hi Gun Gate Hain, Jai Jai Ambe Jai Jagdambe

Har Dil Mein Vaas Tumhara Hai, Tera Hi Jagat Pasara Hai

Tum Ne Hi Apni Shakti Se, Balwaan Daitya Ko Mara Hai

Hum Tere Hi Gun Gate Hain, Jai Jai Ambe Jai Jagdambe

Brahma, Vishnu, Mahadev Badhe, Tere Dar Par Kar Jod Khade

Var Pane Ko Charno Mein Pade, Shakti Pa Ja Daityon Se Lade

Hum Tere Hi Gun Gate Hain, Jai Jai Ambe Jai Jagdambe

Har Vidya Ka Hai Gyan Tujhe, Apni Shakti Par Maan Tujhe

Har Ik Ki Hai Pahchan Tujhe, Har Daas Ka Mata Dhyan Tujhe

Hum Tere Hi Gun Gate Hain, Jai Jai Ambe Jai Jagdambe

Brahma Jab Dar Par Aate Hain, Vedon Ka Path Sunate Hain

Vishnuji Chawar Jhulate Hain, Shiv Shambhu Naadh Bajate Hain

Hum Tere Hi Gun Gate Hain, Jai Jai Ambe Jai Jagdambe

Tu Bhadrakali Hai Kehlayi, Tu Parvati Bankar Bhi Aayi

Duniya Ke Palan Karne Ko, Tu Aadhi Shakti Hai Maha Mayi

Hum Tere Hi Gun Gate Hain, Jai Jai Ambe Jai Jagdambe

Bhukhon Ko Ann Khilaye Tu, Bhakton Ke Kasht Mitaye Tu

Tu Dayavaan Dadi Meri, Har Man Ki Aas Pujaye Tu

Hum Tere Hi Gun Gate Hain, Jai Jai Ambe Jai Jagdambe

Nirdhan Ke Tu Bhandar Bhare, Tu Patiton Ka Udhar Kare

Tu Apni Bhakti De Karke, Bhav Sagar Se Bhi Paar Kare

Hum Tere Hi Gun Gate Hain, Jai Jai Ambe Jai Jagdambe

Hai Trailoki Mein Vaas Tera, Har Jeev Hai Maiya Daas Tera

Gun Gata Jammi Aakash Tera, Hum Ko Bhi Hai Vishwas Tera

Hum Tere Hi Gun Gate Hain, Jai Jai Ambe Jai Jagdambe

Duniya Ke Kasht Mita Mata, Har Ik Ki Aas Puja Mata

Hum Aur Nahi Kuch Chahate Hain, Bas Apna Daas Bana Mata

Hum Tere Hi Gun Gate Hain, Jai Jai Ambe Jai Jagdambe

Tu Daya Kare To Maan Bhi Ho, Duniya Ki Kuch Pahchaan Bhi Ho

Bhakti Se Paida Gyan Bhi Ho, Tu Kirpa Kare Kalyaan Bhi Ho

Hum Tere Hi Gun Gate Hain, Jai Jai Ambe Jai Jagdambe

Devo Ne Prem Pukar Kari, Maa Ambe Jhat Prasann Hui

Darshan Dekar Jag Ki Janani, Tab Madhur Vani Se Kahne Lagi

Maango Vardaan Jo Man Bhaye, Devo Ne Kaha Tab Harshaye

Jab Bhi Hum Prem Se Yaad Kare, Maa Dena Darshan Dikhlaye

Hum Tere Hi Gun Gate Hain, Jai Jai Ambe Jai Jagdambe

Tab Bhadrakali Yeh Bol Uthi, Tum Karoge Yaad Mujhe Jab Bhi

Main Sankat Door Karu Tab Hi, Itna Keh Antar Dhyan Hui

Tab Chaman Khushi Ho Sab Ne Kaha, Jai Jagtarani Bhawani Maa

Hum Tere Hi Gun Gate Hain, Jai Jai Ambe Jai Jagdambe

Vedon Ne Paar Na Paya Hai, Kaisi Shakti Maha Maya Hai

Likhate Likhate Yeh Durga Path, Mera Bhi Man Harshaya Hai

Nadaan Chaman Pe Daya Karo, Sharda Mata Sir Haath Dharo

Jo Path Prem Se Padh Jaye, Muh Manga Mata Var Paye

Sukh Sampatti Ush Ke Ghar Aaye, Har Samay Tumhare Gun Gaye

Ushke Dukh Dard Mita Dena, Darshan Apna Dikhla Dena

Hum Tere Hi Gun Gate Hain, Jai Jai Ambe Jai Jagdambe

Jaikaar Stotra Yeh, Padhe Jo Man Chit Laye

Bhagwati Mata Ushke Sab, Dengi Kasht Mitaye

Mata Ke Mandir Mein Ja, Saat Bar Padhe Jo

Shakti Ke Vardaan Se, Sidh Kamna Ho

Chaman Nirantar Jo Padhe, Path Ek Hi Baar

Sada Bhawani Sukh De, Bharti Rahe Bhandar

Ish Stotra Ko Prem Se, Jo Bhi Padhe Sunaye

Har Sankat Mein Bhagwati, Howe Aan Sahaye

Maan, Izat, Sukh, Sampatti, Mile Chaman Bharpur

Durga Path Se Kabhi, Rahe Na Maiya Door

Chaman Ki Raksha Sada Hi, Karo Jagat Maharani

Jagdambe Mahakalika, Chandi Aadhi Bhawani