Vendo Gauri Ganpati, Shankar Aur Hanuman

Ram Naam Prabhav Se, Hai Sab Ka Kalyan

Gurudev Ke Charno Ki, Raj Mastak Pe Legaoon

Sharda Mata Ki Kirpa, Lekhani Ka Var Paaoon

Namo Narayan Dassji, Vipran Kul Shanghaar

Pujya Pita Ki Kirpa Se, Upje Shudh Vichar

Vandu Sanat Samaj Ko, Vandu Bhagten Bhekh

Jinki Sangat Se Huye, Ultay Sidhey Lekh

Aadhi Shakti Ki Vandana, Karke Shish Nivaun

Saptsati Ke Path Ki, Bhasha Saral Benau

Kshama Kare Vidvaan Sab, Jaan Mujhe Anjaan

Charno Ki Ruj Chaheta, Balki Chaman Nadaan

Ghar Ghar Durga Path Ka, Ho Jaye Prachar

Aadh Shakti Ki Bhakhti Se, Hoga Beda Paar

Kalyug Kapat Kiyoh Nij Dera

Karmo Ke Vash Kasht Ghanera

Chinta Agani Mein Nishdin Jarhi

Prabhu Ka Simran Kabhu Na Karhi

Yeh Stuti Likh Tinke Karan

Dukh Nashak Aur Kasht Nivaran

Markhandey Rishi Kare Bekhana

Sant Sunai Laweh Nij Dhyana

Sevaroh Chip Namak Manvantar Mein

Surath Nami Raja Jag Bhar Mein

Raj Karat Jab Padi Ledayi

Yudh Mein Mari Sabhi Kat Kayee

Raja Pran Liye Tabh Bhaga

Raj Kosh Parvivar Tyaga

Sachwan Banto Sabhi Khazana

Rajan Murm Yeh Ban Mein Jana

Suni Khabar Ati Bhayoh Udasa

Rajpat Se Huwah Nirasha

Bhatkath Aayo Ek Ban Mahi

Medha Muni Ke Ashram Jahi

Medha Muni Ka Ashram, Tha Kalyan Nivas

Rahne Lega Surath Wahan, Ban Santan Ka Daas

Ik Din Aaya Raja Ko, Apne Raj Ka Dhyaan

Chupke Ashram Se Nikal, Pohuncha Ban Mein Aan

Man Mein Shokh Ati Upjayeh

Nij Naynan Se Nir Bahayeh

Pur Mamta Ati Hi Dukh Laga

Apne Aapko Jaan Abhaga

Man Mein Rajan Kare Vichara

Karaman Vash Payoh Dukh Bhara

Rahe Ne Naukar Aagyakari

Gayee Rajdhani Bhi Sari

Vighna Mohey Bhayoh Viprata

Nishdin Rahu Bipan Bhaybita

Dev Kerogay Kabhau Sahayee

Kato Mori Vipat Sir Aayee

Sochat Soch Rahyo Bhuala

Aayoh Vaish Ek Tehi Kala

Tin Raja Ko Kin Pranama

Vaish Samadhi Kehyoh Nijnama

Raja Kahe Samadhi Se, Karan Do Batlaye

Dukhi Howeh Man Malin Se, Kyon Iss Bun Mein Aaye

Aah Bhari Oos Vaish Ne, Bola Ho Bechain

Sumrin Kar Nij Dukh Ka, Bhar Aaye Jal Nain

Vaish Kasht Man Ka Keh Dala

Putron Ne Hai Ghar Se Nikala

Chhin Liyo Dhan Sampati Meri

Mori Jaan Vipath Ne Gheri

Ghar Se Dhakke Kha Bun Aaya

Nari Ne Bhi Dega Kemaya

Sambandhi Sajan Sab Tyage

Dukh Pavenge Jeev Abhage

Phir Bhi Man Mein Dheer Ne Aaveh

Mamta Vash Hardam Kalpawe

Mere Rishte Daron Ne, Kiya Nichon Ka Kaam

Phir Bhi Unke Bina Na, Aaye Mujhe Aaraam

Surath Ne Keha, Mera Bhi Khayaal Aisa

Tumhara Hua Mamta Vash Haal Jaisa

Chale Dono Dukhiya Muni Ashram Aaye

Charan Sir Niva Kar, Vachan Yeh Sunaye

Rishiraj Kar Kirpa Batlayiega

Hume Bedh Jivan Ka Samjhayiega

Jinho Ne Hamara Niradar Kiya Hai

Hume Har Jagah Hi Be Aadar Kiya Hai

Liya Chhin Dhan Aur Sarvasva Hai Jo

Kiya Khaneh Tak Se Bhi Bebas Hai Jo

Yeh Man Phir Bhi Kyon Unko Apnata Hai

Unhi Ke Liyeh Kyon Yeh Ghabrata Hai

Humara Yeh Moh To Chhoodha Dijiyega

Hume Apne Charno Lega Lijiyega

Vinti Unki Maan Kar, Medha Rishi Sujaan

Unke Dhiraj Ke Liye, Kahe Yeh Atam Gyan

Yeh Moh Mamta Ati Dukhdayi

Sada Rahe Jivoh Mein Yeh Semayi

Pashu Pakshi Nar Dev Gandharva

Mamta Vash Paveh Dukh Sarva

Graha Sambandhi Putra Aur Nari

Sab Ne Mamta Juthi Dari

Yadhapi Juth Magar Na Chhute

Ishike Karan Karam Hai Phute

Mamta Vash Chidi Chog Chugave

Bhukhi Rahe Bachon Ko Khilave

Mamta Ne Bandhe Sab Prani

Brahman Dum Yeh Raja Rani

Mamta Ne Jag Ko Bhorayah

Har Prani Ka Gyan Bhulaya

Gyan Bina Har Jeev Dukhari

Aaye Sir Pe Bibta Bhari

Tum Ko Gyan Yethart Naahi

Tabhi To Dukh Mano Man Maahi

Putra Kare Maa Baap Ko, Lakh Bar Dhikar

Maat Pita Chhode Nahi, Phir Bhi Jutha Pyar

Yog Nidra To Issi, Mamta Ka Hai Naam

Jeevon Ko Kar Rakha Hai, Issi Ne Be Aaraam

Bhagwan Vishnu Ki Shakti Yeh

Bhakton Ki Khatir Bhakti Yeh

Mahamaya Naam Dheraya Hai

Bhagwati Ka Roop Banaya Hai

Gyanio Ke Man Ko Harti Hai

Praniyon Ko Bebas Karti Hai

Yeh Shakti Man Bharmati Hai

Yeh Mamta Mein Phansati Hai

Yeh Jish Par Kirpa Karti Hai

Ushke Dukhon Ko Harti Hai

Jishko Deti Vardaan Hai Yeh

Ushka Karti Kalyan Hai Yeh

Yeh Hi Vidya Kehlati Hai

Avidhya Bhi Ban Jati Hai

Sansar Ko Tarnewali Hai

Yeh Hi Durga Mahakali Hai

Sampurnn Jag Ki Malik Hai

Yeh Kul Shristi Ki Palak Hai

Rishi Se Puchha Raja Ne, Karan To Batlaao

Bhagwati Ki Utpati Ka, Bedh Hume Samjhao

Muni Medha Bole Suno Dhyan Se

Magan Nidra Mein Vishnu Bhagwan The

The Aaraam Se Sesh Sheyah Pe Vo

Asur Madhu-Ketab Wahan Pragate Do

Shravan Mail Se Prabhu Ki Lekar Janam

Lage Brahmaji Ko Vo Karne Khatam

Unhe Dekh Bhramaji Gabhra Gaye

Lekhi Nidra Prabhu Ki To Chakra Gaye

Tabhi Magan Man Brahma Ustuti Kari

Ki Iss Yog Nidra Ko Tyago Hari

Kaha Shakti Nidra Tu Ban Bhagwati

Tu Swaha, Tu Ambe Tu Sukh Sampati

Tu Savitri Sandhya Vishva Aadhar Tu

Hai Utpati Paalan Ve Sanghar Tu

Teri Rachna Se Hi Yeh Sansar Hai

Kisi Ne Na Paya Tera Paar Hai

Gada Sankh Chakra Padam Hath Le

Tu Bhagton Ka Apne Sada Saath De

Mahamaya Tab Charan Dhiyaoon

Tumri Kirpa Abhay Padh Paaoon

Brahma Vishnu Shiv Upjaye

Dharan Vividh Sherir Kar Aaye

Tumhri Ustuti Ki Na Jaye

Koi Na Par Tumhara Paye

Madhu Ketab Mohe Maran Aaye

Tum Bin Shakti Kaun Bechaye

Prabhu Ke Netra Se Hutt Jaao

Sesh Sheyah Se Enhe Jagaao

Asuron Par Moh Mamta Dalo

Sharnagath Ko Devi Bachalo

Sun Stuti Pragatti Yeh Mahamaya

Prabhu Ankhon Se Nikli Chhaya

Taamsi Devi Naam Dherayah

Brahma Khatir Prabhu Jegaya

Yog Nidra Ke Hutte Hi, Prabhu Ughade Nain

Madhu Ketab Ko Dekh Kar, Bole Krodhit Bain

Brahma Mera Ans Hai, Mar Sake Na Koyeh

Mujhse Bal Ajmane Ko, Lad Dekho Tum Doyeh

Prabhu Gada Lekar Uthe, Karne Daitye Sanghar

Prakarmi Yodha Lade, Varash Vo Panch Hazaar

Tabhi Devi Maha Maya Ne, Daityon Ke Maan Barmaye

Balwano Ke Hirdey Mein, Diya Abhimaan Jagaye

Abhimani Kehne Lage, Sun Vishnu Dhar Dhyan

Yudh Se Hum Prasan Hain, Mango Kuch Vardaan

Prabhu The Kotakh Kar Rahe, Bole Itna Ho

Mere Haathon Se Mero, Vachan Mujhe Yeh Do

Vachan Badhye Vo Rakhsas, Jal Ko Dekh Apar

Kaal Se Bachne Ke Liye, Kehte Shabd Uchar

Jal Hi Jal Chahun Aur Hai, Brahma Kamal Viraj

Marna Chhate Ho Hume, Toh Suniye Maharaj

Vadh Ki Jo Ush Jagah Pe, Jal Na Jahan Dikhayeh

Prabhu Ne Itna Sunte Hi, Jang Pe Liya Litayeh

Chakra Sudarshan Se Diye, Dono Ke Sir Kaat

Khule Nayan Rahe Dono Ke, Dekhat Prabhu Ki Baat

Brahmaji Ki Stuti Sun, Pragati Mahamay

Path Padhe Jo Prem Se, Ushki Kare Sahay

Shakti Ke Prabhav Ka, Pehla Yeh Adhyay

Chaman Path Karan Likha, Sehje Shabad Benaye

Shradha Bhakti Se Kero, Shakti Ka Gungaan

Ridhi Sidhi Navnidhi De, Kare Dati Kalyan